დარწმუნებული ვარ 2019 წლამდე წამზომი უკვე ჩართეთ და სამეფო კარის თამაშების მოლოდინში დღეები HBO-ს სერიალის შესახებ დაწერილი ახალ-ახალი ამბებითა და თორიებით გაგყავთ.

გთავაზობთ რვა ფაქტს ტელევიზიის ისტორიაში ყველაზე ტიტულოვანი სერიალის შესახებ, რომელიც სავარაუდოდ ჯერ არ იცით, მაგრამ თუ იცით კიდევ ერთხელ გაიხსენებთ.

ღირებულება

ყინულის კედელი იაფი ნამდვილად არ ჯდება. HBO-ს სამეფო კარის თამაშების თითოეული ეპიზოდის ბიუჯეტი მინიმუმ $10 მილიონია.

ყველაზე ხანგრძლივი გადაღება

სამეფო კარის თამაშების შვიდ სეზონიან ისტორიაში არაერთი საინტერესო სცენა გვინახავს, რომელთა გადაღბასაც რამდენიმე დღე, ხანდახან კვირაც დასჭირვებია. თუმცა როგორც აღმოჩნდა ყველაზე ხანგრძლივი Battle of the Bastards გადაღებები იყო, რომელიც 25 დღე გაგრძელდა და მასში 600-ზე მეტი ადამიანი მონაწილეობდა.

არანაკლებ ხანგრძლივი და მასშტაბური იყო GOT-ის მეშვიდე სეზონის მეოთხე სერია - The Spoils of War, რომლის გადაღებასაც 18 დღე დასჭირდა.

HBO-მ სერიალის პილოტი დაიწუნა, მასში ჯორჯ მარტინიც მონაწილეობდა

როგორც ცნობილია, HBO-ს პრეზიდენტმა თავდაპირველად შოუს პილოტი დაიწუნა და მის შემქმნელებს პროექტი არ დაუმტკიცა. საბედნიეროდ მოგვიანებით გადაწყვეტილება შეცვალა. მართალია პილოტს დღის სინათლე არასდროს უნახავს, მაგრამ უნდა იცოდეთ, რომ მასში არც მეტი და არც ნაკლები, თავად ჯორჯ მარტინიც მონაწილეობდა.

ბერკლის უნივერსიტეტში დოთრაკიული ენის კურსებს ატარებენ

ბერკლის უნივერსიტეტში ყოველ ზაფხულს ახალი ენის კურსები იხსნება, სადაც შოუს მაყურებლები შეძლებენ სპეციალურად სამეფო კარის თამაშებისთვის შექმნილი დოთრაკიული ენა შეისწავლონ. კურსი, სახელად "სამეფო კარის ლინგვისტიკა და ენების გამოგონების ხელოვნება" 6 კვირის განმავლობაში გრძელდება და მას 40 სტუდენტი ესწრება.

ლინა ჰიდი (სერსეი ლანისტერი) როლზე პიტერ დინკლიჯმა (ტირიონ ლანისტერი) დაამტკიცებინა

პიტერი ერთდერთი მსახიობია GOT-ში, რომელიც კასტინგის გარეშე, თავად ჯორჯ მარტინმა დაამტკიცა როლზე, სწორედ მისი დახმარებით მოხვდა შემდეგ შოუში ლინა ჰიდიც, რომელთანაც დინკლიჯს ხანგრძლივი მეგობრობა აკავშირებს. როგორც პიტერ დინკლეიჯმა თქვა, როდესაც ის სერიოზულ და მძიმე სცენებს იღებს ლინასთან ერთად, ცდილობს არ დაამყაროს მასთან თვალით კონტაქტი, რადგან არ შეუძლია მასზე გაბრაზება და ყოველთვის ეცინება.

პრემიერა

სამეფო კარის თამაშები ერთადერთი სერიალია, რომლის პრემიერაც ერთდროულად ასზე მეტ ქვეყანაში ხდება. მაგალითად მეხუთე სეზონის პრემიერა 170 ქვეყანაში ერთი და იმავე დროს შედგა.

ჰონორარი

HBO-ს საკულტო სერიალის, სამეფო კარის თამაშების, ხუთი მსახიობი, რომლებიც სერიალში წამყვანი პერსონაჟების როლებს ასრულებენ, ტელევიზიის ისტორიაში ყველაზე მაღალ ჰონორარს მიიღებენ. ლინა ჰიდი, პიტერ დინკლეიჯი, ემილია კლარკი, კიტ ჰარინგტონი და ნიკოლაი კოსტერ-ვალდაუ HBO-სთან გაფორმებული ახალი კონტრაქტის მიხედვით სერიალის თითო ეპიზოდში $2,5 მილიონს მიიღებენ.

სცენარისტები

სამეფო კარის თამაშების სცენარისტთა საერთო რაოდენობა 20-დან 30 ადამიანამდე მერყეობს თითოეულ სეზონში. აქედან თითოეული სხვადასხვა ტიპის სცენარს წერს, მაგალითად დიალოგებს სხვა, ბატალურ სცენებს სხვა და ა.შ საბოლოო ჯამში კი მათ ამა თუ იმ ეპიზოდისთვის შერჩეული სცენარისტი აერთიანებს, ამუშვებს და საბოლოოს ვერსიასაც ამტკიცებს. აღსანიშნავია, რომ ჯორჯ მარტინი საერთი ჯამში შოუს მხოლოდ ხუთს სცენარისტს იცნობს პირადად.