"ბუენოს აირესიდან რომამდე, პაპ ფრანცისკეს სურდა, რომ ეკლესიას ყველაზე ღარიბთათვის სიხარული და იმედი მოეტანა", — ამის შესახებ საფრანგეთის პრეზიდენტი, ემანუელ მაკრონი პაპ ფრანცისკეს გარდაცვალებასთან დაკავშირებით X-ზე წერს.

"ბუენოს აირესიდან რომამდე, პაპ ფრანცისკეს სურდა, რომ ეკლესიას ყველაზე ღარიბთათვის სიხარული და იმედი მოეტანა, რომ მას ადამიანები ერთმანეთთან და ბუნებასთან გაეერთიანებინა. დაე ეს იმედი მის შემდეგაც განუწყვეტლივ ცოცხლდებოდეს.

ჩემს მეუღლესთან ერთად ყველა კათოლიკესა და გლოვით მოცულ მსოფლიოს ჩვენს გულწრფელ თანაგრძნობას ვუგზავნით", — წერს მაკრონი.

რომის პაპი ფრანცისკე 88 წლის ასაკში, ავადმყოფობის შემდეგ, 21 აპრილს გარდაიცვალა. ინფორმაციას ვატიკანი ავრცელებს. მათი ცნობით, პაპის გარდაცვალების შესახებ კარდინალმა კევინ ფარელმა განაცხადა.

ფრანცისკე რომის 266-ე პაპად 2013 წლის 13 მარტს აირჩიეს, მას შემდეგ, რაც მისი წინამორბედი ბენედიქტ XVI გადადგა.