პოდკასტში სტუმრობისას მსახიობმა დევიდ შვიმერმა Friends-ის საუნდტრეკზე ისაუბრა და არ დამალა, რომ წლებთან ერთად მისთვის სიმღერა ცუდად დაძველდა. The Rembrandts-ის მიერ შესრულებული სიმღერა, რომელიც 1995 წელს სინგლის სახით გამოუშვეს, 2004 წლიდან Friends-ის დაწყებას ამცნობს გულშემატკივრებს.

"სიმართლე რომ ვთქვათ, იყო პერიოდი, როცა ამ სიმღერის გაგონება უბრალოდ არ შემეძლო... იმდენჯერ მქონდა მოსმენილი, რომ რეაქციას ავტომატურად იწვევდა. როცა რომელიმე შოუში გვიწვევდნენ, ჩვენი შესავალი მუსიკა ყოველთვის ეს იყო. ამიტომ მასზე თბილი რეაქცია დროთა განმავლობაში აღარ მქონდა" — თქვა მსახიობმა და ბოლომდე ვერც კი აღწერა ის შეგრძნება, რაც სიმღერის მოსმენისა ეუფლება.

სიმღერა შვიმერს სერიალი დასრულების შემდეგაც სულ თან დაჰყვებოდა. მსახიობმა საუბრისას ისიც აღიარა, რომ Friends-ს მას შემდეგ, რაც შოუ დასრულდა, აღარ უყურებს. Friends-ის ხელახლა ყურება მხოლოდ მაშინ დაიწყო, როცა მისმა ქალიშვილმა, კლეომ, 9 წლის ასაკში სერიალი აღმოაჩინა.

"ეს იყო რაღაც, რაც გავაკეთე და შემდეგ ცხოვრება გავაგრძელე. მას არასდროს მივბრუნებივარ და თავიდან არ გადამიხედავს. თუმცა, ერთ დილას საუზმის გამზადებისას ჩემი შვილის სიცილი მომესმა. ამ მომენტში ჩემი დამოკიდებულება ამ სიმღერისა და შოუს მიმართ შეიცვალა" — თქვა დავიდ შვიმერმა პოდკასტში სტუმრობისას.