დღეს, 15 ივნისს, შაორის წყალსაცავში 2 ახალგაზრდა მამაკაცის გვამი აღმოაჩინეს. ინფორმაცია ამის შესახებ On.ge-ს საგანგებო სიტუაციების მართვის სამსახურში დაუდასტურეს.

უწყების ცნობით, გარდაცვლილია ორი 20 წლამდე მამაკაცი, რომლიც შაორის ტბაზე, სავარაუდოდ, სათევზაოდ იმყოფებოდა. საგანგებო სიტუაციების მართვის სამსახურის განმარტებით, გარდაცვლილების შესახებ ინფორმაცია ადგილობრივი მაცხოვრებლისგან მიიღეს. უწყების განმარტებით, თბილისის მყვინთავების ადგილზე ჩასვლამდე, ცხედრები ნაპირეზე ადგილობრივმა მაშველებმა ამოიყვანეს.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს და ისჯება თავისუფლების შეზღუდვით ვადით სამ წლამდე ან თავისუფლების აღკვეთით ვადით ორიდან ოთხ წლამდე.