უკრაინის პრეზიდენტი პეტრო პოროშენკო ტვიტერზე წერს, რომ მნიშვნელობა არ აქვს ვინ არღვევს სახელმწიფო საზღვარს, ამისთვის უკრაინის კანონის შესაბამისი სასჯელი უნდა იყოს.

უკრაინის პრეზიდენტმა ჟურნალისტებს განუცხადა, რომ ჩადენილია დანაშაული, რადგან სახელმწიფოს ხელშეუხებლობის კონსტიტუციური პრინციპი დაირღვა:

"ეს სახელმწიფოს ნაციონალური უსაფრთხოების საკითხია და ჩემთვის სულ ერთია ვინ გადმოლახა საზღვარი - აღმოსავლეთის მებრძოლეებმა თუ დასავლეთის პოლიტიკოსმა - უნდა იყოს ზუსტი და იურიდიული პასუხისმგებლობა."

გუშინ, 10 სექტემბერს, საქართველოს ექს-პრეზიდენტმა და ოდესის ყოფილმა გუბერნატორმა მიხეილ სააკაშვილმა პოლონეთი-უკრაინის საზღვარი. ამ ფაქტზე ლვოვის ოლქის პოლიციამ გამოძიება უკვე დაიწყო.

სამართალდამცავების წინააღმდეგობის მიუხედავად, შეგინის სასაზღვრო პუნქტთან, უკრაინის ტერიტორიაზე მყოფმა სააკაშვილის მხარდამჭერებმა კორდონი გაარღვიეს, საკონტროლო-გამშვებ პუნქტში შეიჭრნენ და სააკაშვილი უკრაინის ტერიტორიაზე გადაიყვანეს.

მიხეილ სააკაშვილს უკრაინის მოქალაქეობა პრეზიდენტ პოროშენკოს გადაწყვეტილებით 26 ივლისს, ამერიკაში ვიზიტისას ჩამოერთვა. მიუხედავად ამისა, მას შემდეგ სააკაშვილი პოლონეთში, ლიტვასა და ბრიუსელში იმყოფებოდა. როგორც უკრაინის იუსტიციის მინისტრი იუწყება, საქართველომ უკვე მესამედ მიმართა უკრაინულ მხარეს სააკაშვილის ექსტრადიციის მოთხოვნით.