ავტორიზაციის საბჭომ ილიას სახელმწიფო უნივერსიტეტს სრული ავტორიზაცია მიანიჭა 6 წლის ვადით — ყოველგვარი პირობის გარეშე.

გასული წლის სექტემბერში ილიას სახელმწიფო უნივერსიტეტმა ექვსწლიანი ავტორიზაცია მიიღო, თუმცა ამავდროულად ავტორიზაციის საბჭომ განათლების ხარისხის განვითარების ცენტრს შუამდგომლობით მიმართა, უნივერსიტეტის მიერ რეკომენდაციების შესრულების შეფასების მიზნით, ერთი წლის თავზე გეგმური მონიტორინგი ჩაატაროს.

პასუხად კი უნივერსიტეტის ხელმძღვანელობამ განაცხადა, რომ ავტორიზაციის ექსპერტთა ჯგუფისგან მათ ყველა სტანდარტის მიხედვით უმაღლესი შეფასებები ჰქონდათ მიღებული, რომლებიც ავტორიზაციის საბჭომ ყოველგვარი დასაბუთების გარეშე შეცვალა და უნივერსიტეტს ავტორიზაცია ერთი წლის თავზე მონიტორინგის პირობით მიანიჭა. სწორედ ამ პირობის გამო აღნიშნული გადაწყვეტილება უნივერსიტეტმა გაასაჩივრა.