აშშ-ის ვიცე-პრეზიდენტმა, ჯ.დ ვენსმა უკრაინის პრეზიდენტის ვოლოდიმირ ზელენსკის მონაწილეობით მოლაპარაკებების გაგრძელების შესაძლებლობაზე Fox News-ზე ისაუბრა. მისი თქმით, ზელენსკიმ აჩვენა, რომ არ სურდა მონაწილეობა მიიღოს სამშვიდობო პროცესში. თუმცა, უკრაინულ მხარესთან მინერალების შეთანხმებაზე მოლაპარაკებების გაგრძელება შეიძლება, თუ ზელენსკის სერიოზული წინადადება ექნება როგორ აპირებს ამ პროცესში ჩართვას.

"მან [ზელენსკიმ] აშკარა აჩვენა, რომ არ სურდა მონაწილეობა მიიღოს სამშვიდობო პროცესში, რაც, პრეზიდენტ ტრამპის თქმით, ამერიკელი ხალხისა და მისი პრეზიდენტის პოლიტიკაა", — თქვა ვენსმა. ის, ამავდროულად, არ გამორიცხა, რომ ვაშინგტონი მზად იქნება კვლავ ესაუბროს ზელენსკის, თუ ის "სერიოზულად განიხილავს დეტალებს".

ვენსმა აშშ-სა და უკრაინას შორის მინერალებზე შესაძლო შეთანხმებაზეც ისაუბრა და აღნიშნა, რომ ეს უკრაინისთვის უსაფრთხოების გარანტიაა.

"თუ გინდა უზრუნველყო, რომ ვლადიმირ პუტინი ხელახლა არ დაესხმება თავს უკრაინას, ყველაზე საუკეთესო უსაფრთხოების გარანტიაა, რომ ამერიკელებს უკრაინის მომავალში ეკონომიკური სარგებელი მისცე. ეს ბევრად უკეთესი უსაფრთხოების გარანტიაა, ვიდრე 20 000 სამხედრო რომელიმე ქვეყნიდან, რომელსაც ომში 30-40 წელია, არ უბრძოლია. უსაფრთხოების გარანტია და ეკონომიკური გარანტია, უკრაინისთვის არის ის, რომ ქვეყანა აღდგეს და უზრუნველყოფილი იყოს, რომ ამერიკას გრძელვადიანი ინტერესი აქვს. ამას ვერ გააკეთებ, თუ ოვალურ ოფისში მოხვალ, პრეზიდენტს შეურაცხყოფას მიაყენებ და უარს იტყვი მიჰყვე მის გეგმას მშვიდობისთვის," — თქვა ვენსმა.

მისი თქმით, უკრაინულ მხარესთან მინერალების შეთანხმებაზე მოლაპარაკებების გაგრძელება შეიძლება, თუ ზელენსკის სერიოზული წინადადება ექნება როგორ აპირებს ამ პროცესში ჩართვას.

"ვფიქრობ, შეიძლება, თუ მან დარეკა და სერიოზული წინადადება ექნება იმის შესახებ, თუ როგორ აპირებს ამ პროცესში ჩართვას. ნახეთ, არის დეტალები, რომლებიც ნამდვილად მნიშვნელოვანია, რომლებზეც ჩვენ უკვე ვმუშაობთ რუსებთან. ჩვენ ვესაუბრეთ ზოგიერთ ჩვენს მოკავშირეს, ის სერიოზულად უნდა იყოს ჩართული დეტალების განხილვაში", — თქვა მან.

მისი თქმით, აშშ უკვე მუშაობს რუსებთან და მოკავშირეებთან დეტალებზე, ამიტომ "თუ უკრაინა მზად არის შეუერთდეს, კარი ღიაა".

"თუ გსურთ უსაფრთხოების რეალური გარანტიები, რათა დარწმუნდეთ, რომ ვლადიმერ პუტინი აღარასოდეს შეიჭრება უკრაინაში, ამის საუკეთესო გზა არის იმის უზრუნველყოფა, რომ ამერიკელებს აქვთ ეკონომიკური წილი უკრაინის მომავალში", — თქვა ტრამპის მოკავშირემ.