ეხო კავკაზას ინფორმაციით, დღეს, 1 მარტს რუსეთის მიერ ოკუპირებულ აფხაზეთში ე.წ. საპრეზიდენტო არჩევნების მეორე ტური მიმდინარეობს.

ოკუპირებული აფხაზეთის ე.წ. პრეზიდენტობისთვის ორი "კანდიდატი", ადგურ არძინბა და ბადრა გუნბა იბრძვიან. ეხო კავკაზას ცნობით, 12 საათის მონაცემებით ე.წ "არჩევნების" აქტივობა 21 %-ს შეადგენდა.

ინფორმაციისთვის, ე.წ. საპრეზიდენტო არჩევნების პირველ ტურში მოსკოვის მიერ მხარდაჭერილმა კანდიდატმა, ბადრა გუნბამ, ხმების 46,38%, ხოლო მისმა კონკურენტმა, ადგურ არძინბამ, 36,92% მიიღო. მიუხედავად იმისა, რომ როგორც არძინბა, ისე ბადრა გუნბა რუსეთთან ურთიერთობების გაფართოებას უჭერენ მხარს, ე.წ "ოპოზიციონერ კანდიდატს" პროთურქულ და ანტისომხურ განწყობებში სდებენ ბრალს.