"ქართული კოშმარის არაღიარების აქტს", რომელიც 9 იანვარს რესპუბლიკელმა კონგრესმენმა ჯო უილსონმა წარადგინა, კიდევ ერთი თანასპონსორი შეემატა.

კანონპროექტს, რომელიც მიზნად ისახავს, "აეკრძალოს შეერთებულ შტატებს ბიძინა ივანიშვილის ან ბიძინა ივანიშვილის მიერ მართული საქართველოს ნებისმიერი მთავრობის აღიარება, რა მიზნითაც არ უნდა იყოს" — კიდევ ერთ თანაავტორად დემოკრატი კონგრესმენი ჯიმი პანეტა შეემატა.

ამ ეტაპზე კანონპროექტს 6 თანასპონსორი ჰყავს: დემოკრატები სტივ კოენი, ლოიდ დოგეტი, ემანუელ კლივერი და ჯიმი პანეტა, და რესპუბლიკელები მაიკლ ტერნერი და მაიკლ ლოულერი.