იმერეთში, ამ დროისთვის, გარესამყაროს 149 სოფელია მოწყვეტილი, 30 000-მდე აბონენტს კი ელექტროენერგია არ მიეწოდება, ამის შესახებ ინფორმაციას ქუთაისი პოსტი ავრცელებს.

იმერეთის მხარეში სახელმწიფო რწმუნებული ლევან ზალკალიანი აცხადებს, რომ ბუნებრივი აირის გარეშეა დარჩენილი 237 აბონენტი. გარკვეული მუნიციპალიტეტების სკოლებსა და ბაღებში კი დროებით არის შეჩერებული სასწავლო პროცესი.

"იმერეთში, მთელი ღამის განმავლობაში, მუშაობდა 46 ერთეული ტექნიკა. მათი მუშაობის ეფექტურობას აძნელებდა ძლიერი ქარბუქი. ამჟამად, დილიდან მუშაობს 148 ერთეული ტექნიკა, რომლებიც წმენდენ როგორც ქალაქის, ასევე სოფლამდე მისასვლელ გზებს", —განაცხადა ლევან ზალკალიანმა.

დასავლეთ საქართველოში დიდთოვლობა თითქმის ერთი კვირაა, გრძელდება. არის ცნობები მსხვერპლის შესახებ. სამაშველო სამუშაოებში შსს-ს 600 თანამშრომელსა და მოხალისეების ჯგუფებს, მეექვსე დღეს შეუერთდა თავდაცვის ჯარები.

მოხალისეები თვითორგანიზებით ცდილობენ ჯგუფების შექმნას დიდთოვლობისგან დაზარალებული მოსახლეობის დახმარებას.

ამავე თემაზე: