რეჟისორი დიტო ცინცაძე შინდისის გმირების შესახებ ფილმს გადაიღებს. როგორც ცნობილია, ფილმის გადასაღებად მთავრობის სარეზერვო ფონდიდან 801 384 ლარი კულტურის სამინისტროს გამოუყო.

მთავრობის განკარგულება, რომელიც ფილმის გადაღებისათვის თანხის გამოყოფას ითვალისწინებს, უკვე გამოქვეყნდა საკანონმდებლო მაცნეში.

სცენარს საფუძვლად 2008 წლის რუსეთ - საქართველოს ომის დროს რეალურად მომხდარი ამბავი უდევს, რომლის დროსაც ჩვიდმეტი ქართველი ჯარისკაცი დაიღუპა. ფილმისთვის სცენარი ირაკლი სოლომონაშვილმა დაწერა.

დიტო ცინცაძის ახალ ფილმში მთავარ როლებს ია სუხიტაშვილი და დათო ბახტაძე შეასრულებენ, კინოსურათში სავარაუდოდ ვიხილავთ მსახიობ გიორგი ბაბლუანს.