უკრაინის საგარეო საქმეთა მინისტრი, ანდრიი სიბიჰა სოციალურ პლატფორმა X-ზე პოსტს აქვეყნებს, რომელშიც ევროკავშირს უკრაინის გვერდით დგომისთვის მადლობას უხდის.

"ვესაუბრე კაია კალასს, რათა განგვეხილა რუსეთის სრულმასშტაბიანი აგრესიის მესამე წლისთავის წინ უახლესი საერთაშორისო მოვლენები და კოორდინირებული ნაბიჯები. მადლობა ევროკავშირს, რომ უკრაინის სიმართლის, მშვიდობის, თავისუფლების, სამართლიანობისა და ტერიტორიული მთლიანობის მხარეს მტკიცედ დგას", — წერს ანდრიი სიბიჰა.

24 თებერვალს რუსეთის უკრაინაში სრულმასშტაბიანი შეჭრიდან 3 წელი შესრულდება.