ოცნების დეპუტატის, ვლადიმერ ბოჟაძის თქმით, ქართული ოცნება ამერიკული FARA-ს ზუსტ ნათარგმნ და ბრიტანულ მედიის რეგულირების კანონპროექტებს 24 თებერვალს წარადგენს.

"ჩვენ ვგეგმავთ FARA-ს მიღებას და ასევე ბრიტანული მედიის შესახებ კანონმდებლობის მიღებას. ორივე დოკუმენტი იქნება წარდგენილი ერთი ერთში ორიგინალთან, ჩვენ არ ვაპირებთ რაიმე ცვლილებების შეტანას. FARA უზრუნველყოფს მაქსიმალურ დაცვას გარე ჩარევებისგან და თქვენ იცით, რომ FARA ერთი საუკუნეა ლამის უზრუნველყოფს ამხელა სახელმწიფოს გარე ჩარევებისგან და იცავს მას, ისევე, როგორც გვინდა, რომ ბრიტანული კანონმდებლობით მაქსიმალურად დავიცვათ ჩვენი მოქალაქეები დეზინფორმაციისგან", — აცხადებს ლადო ბოჟაძე.

შეგახსენებთ, 17 თებერვალს გამართულ ბრიფინგზე ოცნების ლიდერმა მამუკა მდინარაძემ განაცხადა, რომ ოცნების ხელისუფლება სიტყვა-სიტყვით თარგმნიდა ამერიკულ კანონს და დააინიცირებდა.

"ჩვენ სიტყვა-სიტყვით ვთარგმნეთ ამერიკული კანონი და მომავალ კვირაში დაინიცირდება ამერიკული FARA-ს სიტყვასიტყვით ნათარგმნ ვერსიას და ასევე მედიის წინააღმდეგ კანონპროექტს.

საქართველოში, ერთხელ და სამუდამოდ, ქართულმა საზოგადოებამ უნდა იცოდეს უცხოეთიდან შემოსული რა თანხები რას ხმარდება და არ მოხდეს ისე, რომ USAID-ის 41.7 მლნ ამერიკული დოლარი, საიდანაც 15 მლნ ამერიკული დოლარი ახალგაზრდული მიმართულებით დაიხარჯა ხმარდებოდეს რევოლუციურ მიზნებს ისე, რომ ამის შესახებ წარმოდგენაც არ ჰქონდეს საზოგადოებას. ბევრ ახალგაზრდას დღემდე ჰგონია, რომ გულწრფელი პროტესტის მონაწილეა, მაშინ როცა მათი ამ რწმენის ჩამოყალიბებაზე ათობით მილიონი დოლარი დაიხარჯა საქართველოში. ამიტომ ჩვენ მივიღებთ FARA-ს — ამერიკულ ვერსიას გამჭვირვალობის კანონისა და ამისთვის ჩვენ გვექნება თვენახევარი, — განაცხადა მდინარაძემ.


• მამუკა მდინარაძე: ჩვენ სიტყვა-სიტყვით ვთარგმნეთ ამერიკული კანონი და მომავალ კვირაში დაინიცირდება ამერიკული FARA-ს სიტყვასიტყვით ნათარგმნი ვერსია