ევროპარლამენტი და ევროკავშირის საბჭო მოლდოვისთვის ევროკავშირში გაწევრიანების პროცესის მხარდასაჭერად €1.9 მილიარდის დახმარების დამტკიცებაზე შეთანხმდნენ.

ამ თანხიდან €520 მილიონს მოლდოვა გრანტის სახით მიიღებს, €1.5 მილიარდი კი დაბალპროცენტიანი სესხია.

ევროკომისიამ ამის შესახებ სოციალურ ქსელში განცხადება გააკეთა.

"ევროკავშირი მოლდოვასა და მოლდოვის ხალხთან პარტნიორობას ემხრობა.

და ჩვენი სურვილია, [მოლდოვა] რაც შეიძლება სწრაფად მივაახლოოთ ჩვენს კავშირს.

დღეს ჩვენ მივესალმებით პოლიტიკურ შეთანხმებას ევროპარლამენტსა და ევროკავშირის საბჭოს შორის მოლდოვას რეფორმისა და ზრდის მექანიზმის შესახებ.

შეთანხმებული 1,9 მილიარდი ევროს ფონდი — ევროკავშირის ყველაზე დიდი ფინანსური მხარდაჭერის პაკეტი მოლდოვას დამოუკიდებლობის შემდეგ — არის საკვანძო ნაბიჯი ჩვენს პარტნიორობაში.

გაზრდილი ფინანსური დახმარებისა და რეფორმების გაერთიანება დააჩქარებს მოლდოვას პროგრესს ევროკავშირის გზაზე, ხელს შეუწყობს ეკონომიკურ კონვერგენციას და მოლდოვას ინტეგრაციას ჩვენს ერთიან ბაზარზე.

თავისუფლების, კეთილდღეობისა და სტაბილურობის საერთო ევროპისთვის," — განაცხადა ევროკომისიამ.