კარგი შეხვედრა გვქონდა პრემიერმინისტრ ირაკლი კობახიძესთან მსოფლიო მთავრობათა სამიტის ფარგლებში, - ამის შესახებ უნგრეთის პრემირი ვიქტორ ორბანი სოციალურ ქსელ X-ზე წერს.

"კარგი შეხვედრა გვქონდა პრემიერმინისტრ ირაკლი კობახიძესთან მსოფლიო მთავრობათა სამიტის ფარგლებში. უნგრეთ-საქართველოს მთავრობათაშორისი მორიგი სამიტის ბუდაპეშტში რაც შეიძლება მალე ჩატარებაზე შევთანხმდით", — წერს უნგრეთის პრემიერი ვიქტორ ორბანი X-ზე.

მსოფლიო მთავრობათა სამიტი დუბაიში დღეს დაიხურება. სამიტზე ერთ-ერთი ბოლო გამომსვლელი აშშ-ის სამთავრობო ეფექტიანობის დეპარტამენტის ხელმძღვანელი, ილონ მასკი იყო, რომელმაც მონაწილეებს დისტანციურად მიმართა.