2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის პერსონალური შემადგენლობა ცნობილია.

ნაცმოძრაობის ხელისუფლების შემსწავლელი საპარლამენტო კომისიაში 10 წევრისგან შემდგარი კვოტა განისაზღვრა. აქედან 5 ადგილი ექნება ქართულ ოცნებას, 2 — ხალხის ძალას, 1 — ევროსოციალისტებს, 2 ადგილის ათვისების შესაძლებლობა კი გახარიას პარტიას ექნება.

ფრაქცია ქართულმა ოცნებამ კომისიაში თეა წულუკიანი, ალექსანდრე ტაბატაძე, თენგიზ შარმანაშვილი, ალუდა ღუდუშაური და პაატა სალია წარადგინა.

როგორც საპარლამენტო ოპოზიციის წარმომადგენლები, კომისიაში იქნებიან ხალხის ძალის წევრები სოზარ სუბარი და გურამ მაჭარაშვილი, ხოლო ევროპელი სოციალისტებიდან — ილია ინჯია.

კომისიაში ორი ადგილი ვაკანტურად რჩება და ის პარტია გახარია საქართველოსთვის წევრებისათვისაა განკუთვნილი.