სამოქალაქო აქტივისტი გელა ხასაია სოციალურ ქსელში აქვეყნებს პოსტს, რომელშიც წერს, რომ ორი დევნილი დაუკავშირდა, რომლებმაც განაცხადეს, რომ ისინიც, პროტესტის ნიშნად, თავის დაწვას აპირებენ, როგორც ეს აფხაზეთიდან დევნილმა დამირ კვეკვესკირმა გააკეთა.

"2 დევნილი ადამიანი გამოვიდა ჩემთან კონტაქტზე, ამბობენ, რომ ისინიც თავის დაწვას აპირებენ. ასახელებენ კონკრეტულ რიცხვსაც როცა ამის გაკეთება აქვთ გადაწყვეტილი. არ ვიცი მე რა შემიძლია, ან როგორ ვუშველო, ან როგორ დავადგინო მათი მდგომარეობა. სხვა ვერაფერი მოვიფიქრე, მე სხვა ძალა არ გამაჩნია და ამბავი შევატყობინე 112-ს", — წერს გელა ხასაია.