ევროინტეგრაციის საკითხებში ყოფილი სახელმწიფო მინისტრი ალექსი პეტრიაშვილი მოსამართლე ზვიად ცეკვავამ ადმინისტრაციულ სამართალდამრღვევად ცნო და 5 000-ლარიანი ჯარიმა დააკისრა და 3 წლით იარაღის ტარების უფლება შეუზღუდა.

"მე არასდროს არ ვარ ინიციატორი კანონდარღვევითი ქმედების. ყოველთვის ვადევნებ თვალყურს, როგორია პოლიციის რეაგირება ისეთ შემთხვევაშიც კი, როცა ხდება პოლიციელების მხრიდან გინება, ფურთხება, ლანძღვა, მაგ ვითარებაშიც ყოველთვის ვცდილობ, არ შევიდე კონფლიქტში. პოლიცია რეალურად თანამონაწილეობდა გზის მშვიდობიანი გადაკეტვის პროცესში და არ ჰქონდა არანაირი წინააღმდეგობა არ მხრივ", — განაცხადა ალექსი პეტრიაშვილმა პროცესზე.

მისივე თქმით, მისი პროცესი ივანიშვილის რეჟიმის მორიგი ცირკი იყო.

"ეს იყო ივანიშვილის რეჟიმის მორიგი ცირკი, რომელშიც მონაწილეობას ცირკის მსახიობები იღებდნენ", — თქვა ალექსი პეტრიაშვილმა პროცესის დასრულების შემდეგ.