ინტერპრესნიუსის ცნობით, ნიკა მელია ადმინისტრაციული წესით იყო დაკავებული და ხელწერილის საფუძველზე გაათავისუფლეს.

აღნიშნულს ნიკა მელიას ადვოკატი ადასტურებს.

მისივე ინფორმაციით, ის პოლიციის განყოფილებას რამდენიმე წუთში დატოვებს.

კოალიცია ცვლილებისთვის ერთ-ერთი ლიდერი, ნიკა მელია, პოლიციამ თბილისი მოლის მიმდებარედ, საპროტესტო აქციაზე დღეს დააკავა.

განახლება:

ნიკა მელია "ტვ პირველთან" პოლიციის მხრიდან ძალადობაზე საუბრობს;

"ასეთი აგრესიული ხალხი არ მინახავს. ბევრჯერ ვყოფილვარ დაკავებული, მაგრამ არასოდეს მქონია პოლიციის განყოფილებაში ფიზიკური კონტაქტი და დაპირისპირება პოლიციელთან, ხელბორკილდადებულს. დღეს ეს მქონდა.
ისანი-სამგორის პოლიციის შენობაში გახლდით ხელბორკილდადებული ისანი-სამგორის სამმართველოს უფროსის მოადგილე ვინმე გიორგი ჩოქურთან მქონდა შელაპარაკება. სკამზე მჯდომს, ბორკილებდადებულს წიხლს მირტყამს.
ბუნებრივია, შემდეგ ხელბორკილდადებული ავდექი და მქონდა ადეკვატური შეპასუხება ამ ადამიანის მიმართ. 7-8 სხვა პოლიციელი იდგა იქ, რომლებმაც გააკავეს ეს ადამიანი. ის წყობიდან არის გამოსული, ამიტომაც არის ასეთი აგრესიული, ის დაცლილია სიმართლისგან და ეუხერხულება იმის მოსმენა, რომ ივანიშვილის სამსახურშია და არა არანაირი პოლიციელი ის არ არის", — განაცხადა მელიამ და სამართალდამცველებს ფაქტის ამსახველი ვიდეოკადრების გამოქვეყნებისკენ მოუწოდა.