ევროპის რეკონსტრუქციისა და განვითარების ბანკის - EBRD-ის პრეზიდენტი, სერ სუმა ჩაკრაბარტი საქართველოშია და მთავრობის წარმომადგენლებს ხვდება. ჩაკრაბარტი საქართველოში ორდღიანი ვიზიტით ჩამოვიდა და მონაწილეობას ინვესტორთა საბჭოს სხდომაშიც მიიღებს. ინფორმაციას საქართველოს ფინანსთა სამინისტრო ავრცელებს.

უწყების ინფორმაციით, EBRD-ის პრეზიდენტი ფინანსთა მინისტრს, დიმიტრი ქუმსიშვილს ხვდება. შეხვედრას ესწრებიან ენერგეტიკის მინისტრი, ილია ელოშვილი; ევროპის რეკონსტრუქციისა და განვითარების ბანკში აღმოსავლეთ ევროპისა და კავკასიის მმართველი დირექტორი, ფრანსის მალიჟი; EBRD-ის რეგიონალური დირექტორი, ბრუნო ბალვანერა და ფინანსთა მინისტრის მოადგილე, ნიკოლოზ გაგუა.

"შეხვედრაზე მხარეები განიხილავენ საქართველოში ევროპის რეკონსტრუქციისა და განვითარების ბანკის საქმიანობას, მიმდინარე და სამომავლო პროექტებს და სამომავლო თანამშრომლობის ძირითად მიმართულებებს", - აცხადებენ ფინანსთა სამინისტროში.