საქართველოს ფინანსთა სამინისტროს საგამოძიებო სამსახურის თანამშრომლებმა გერმანიისა და ყაზახეთის მოქალაქეების ქონების თაღლითურად დაუფლების ბრალდებით ორი პირი დააკავეს. ინფორმაციას უწყების პრესსამსახური ავრცელებს.

უწყებაში აღნიშნავენ, რომ დაკავებულები 2016-2017 წლებში, ყალბი მინდობილობების გამოყენებით, თაღლითურად დაეუფლნენ ქალაქ თბილისში, უცხო ქვეყნის ორი მოქალაქის კუთვნილ ჯამში 11 444 მ2 ფართობის მიწის ნაკვეთებს, რომლის საბაზრო ღირებულება 4 მლნ ლარს აღემატება.

საქმეზე გამოძიება საქართველოს სისხლის სამართლის კოდექსის 180-ე მუხლის (მითვისება ან გაფლანგვა) მესამე ნაწილით მიმდინარეობს. ამ მუხლით ბრალის დამტკიცების შემთხვევაში დაკავებულებს ექვსიდან ცხრა წლამდე ვადით დააპატიმრებენ.