არ ვცნობთ ე.წ პარლამენტის ლეგიტიმურობას. აქედან გამომდინარე, ჩვენი კოალიციის ერთიანი პოზიციაა, არ შევავსოთ თანამდებობის პირის დეკლარაციები, — ამის შესახებ კოალიცია ცვლილებებისთვის გავრცელებულ განცხადებაშია ნათქვამი.

კოალიციის წევრები წერენ, რომ ისინი არ აღიარებენ "რუსულ სტილში გაყალბებულ 26 ოქტომბრის არჩევნებს და არ ცნობენ ე.წ. პარლამენტის ლეგიტიმურობას".

"კოალიცია ცვლილებისთვის არ ვაღიარებთ რუსულ სტილში გაყალბებულ 26 ოქტომბრის არჩევნებს და არ ვცნობთ ე.წ. პარლამენტის ლეგიტიმურობას. სწორედ ამიტომ, ჩვენ უარი განვაცხადეთ საპარლამენტო მანდატებზე, დაფინანსებაზე და სხვა პრივილეგიებზე.

აქედან გამომდინარე, ჩვენი კოალიციის ერთიანი პოზიციაა, არ შევავსოთ თანამდებობის პირის დეკლარაციები. გამჭვირვალეობის პრინციპებისა და კანონის მოთხოვნების დაცვით, ჩვენი, როგორც პარლამენტის წევრობის კანდიდატების დეკლარაციები შევსებულია 2024 წლის არჩევნებამდე.

ახლა, ჩვენი სამშობლოსთვის ამ ისტორიულ მომენტში თითოეული ჩვენგანის ვალია, გაგრძელდეს არაღიარების პოლიტიკაზე მუშაობა და ქართველ ხალხთან ერთად პოლიტიკური პატიმრების თავისუფლებისა და ახალი და სამართლიანი არჩევნების მიღწევა",— ნათქვამია განცხადებაში.

ქონებრივი დეკლარაციების შევსებაზე უარი განაცხადებს ასევე ენმ-ის წევრებმა.

მათ კიდევ ერთხელ მიმართეს პარლამენტს შეუწყდეთ დეპუტატის უფლებამოსილება, რადგან 26 ოქტომბრის არჩევნებს არ აღიარებენ.