საფრანგეთის საგარეო საქმეთა მინისტრმა ჟან-ნოელ ბარომ საქართველოს მთავრობას რეპრესიების შეწყვეტისკენ მოუწოდა. მისი განცხადებით, ქართველმა ხალხმა დიდი სიმტკიცით გამოხატა თავისი ევროპული მისწრაფება და მათი ხმა ყველამ უნდა გაიგოს.

მისივე თქმით, კიდევ ერთხელ, მტკიცედ მოუწოდებენ საქართველოს მთავრობას, "შეწყვიტონ რეპრესიები".

"ჩვენ გადავწყვიტეთ, შეგვეჩერებინა სავიზო შეღავათები, რომლებიც საქართველოს მთავრობის ოფიციალურ დიპლომატებზე ვრცელდება. კიდევ ერთხელ, მტკიცედ მოვუწოდებთ მათ, შეწყვიტონ რეპრესიები დემონსტრანტების, ჟურნალისტებისა და სამოქალაქო საზოგადოების ორგანიზაციების წარმომადგენლების წინააღმდეგ. ქართველმა ხალხმა დიდი სიმტკიცით გამოხატა თავისი ევროპული მისწრაფება, დემოკრატიისა და თავისუფლებისკენ სწრაფვა. მათი ხმა უნდა გავიგოთ", — განაცხადა ჟან-ნოელ ბარომ ევროკავშირის საგარეო საქმეთა მინისტრების შეხვედრის დაწყებამდე.