სამოქალაქო აქტივისტი, ვახო ფიცხელაური ნიღბიანმა პირებმა გაიტაცეს და სცემეს — ამის შესახებ იგი თვითონ ამბობს და დასძენს, რომ შემთხვევა გორში, მის სახლთან მოხდა.

ამასთან, იგი აღნიშნავს, რომ თავდამსხმელებმა იცოდნენ მისი ვინაობა და მოკვლით ემუქრებოდნენ.

"მანქანის უკან იყო ფურგონი გაჩერებული და მითხრეს, რომ ვერ მიდიოდნენ და მოწოლა მთხოვეს, რომ მივედი ახლოს, ჩამაგდეს უკან და გამიტაცეს, ნიღბიანები იყვნენ. მინდორში გამიყვანეს და მცემეს. მეუბნებოდნენ, ვიცით ვინ ხარო და უნდა მოგკლათო, გამოვექეცი. გამძარცვეს, წაიღეს გასაღები, საფულე, ტელეფონი.

დღეს რაც ქვეყანაში ხდება იმ პროცესებს ვუკავშირებ, რადგან გამიზნულად დამხვდნენ ჩემს უბანში, ვიცით ვინ ხარო. სახეზე ვიფარავდი ხელებს, ყველგან მირტყეს", — უთხრა ფიცხელაურმა მთავარი არხის ჟურნალისტს.