აშშ-ის სენატმა თავდაცვის მდივნის თანამდებობაზე პიტ ჰეგსეტი დაამტკიცა, – ინფორმაციას CNN-ი ავრცელებს.

სენატმა თავდაცვის დეპარტამენტის მდივნის თანამდებობაზე პიტ ჰეგსეტის არჩევას დაუჭირა მხარი, რაც პრეზიდენტ დონალდ ტრამპისა და მისი ახალი ადმინისტრაციის მთავარი გამარჯვება იყო.

გადამწყვეტი ხმა ვიცე-პრეზიდენტმა ჯეი დი ვენის იყო. მაკკონელმა და რესპუბლიკელმა სენატორებმა, ლიზა მურკოვსკიმ და სუზან კოლინზმა ხმა ჰეგსეტის კანდიდატურის საწინააღმდეგოდ მისცეს, მაგრამ ხმის მიცემა 51-50 ხმის წინააღმდეგ, პიტ ჰეგსეტის გამარჯვებით დასრულდა. როგორც CNN წერს, ის ფიცს 25 იანვარს თეთრ სახლში დადებს.

ჰეგსეტის თანამდებობაზე დანიშვნის პროცესი სექსუალური ძალადობის, ალკოჰოლის გამოყენებისა და ვეტერანთა საქველმოქმედო ორგანიზაციების ფინანსების არასწორი მენეჯმენტის ბრალდებების ფონზე მიდიოდა, ეს ბრალდებები საბოლოოდ მან უარყო.

"ჩვენ ახლახან გავიგეთ, რომ თავდაცვის შესანიშნავი მდივანი გვყავს - ჩვენ ძალიან ბედნიერები ვართ ამით, ვაფასებთ ყველას ხმას", — განუცხადა ტრამპმა ჟურნალისტებს ჰეგსეტის დანიშვნასთან დაკავშირებით.