ირანის რევოლუციურმა გვარდიამ გუშინ, 16 იანვარს განცხადება გაავრცელა, სადაც წერს, რომ "ღაზაში ცეცხლის შეწყვეტა პალესტინელებისთვის დიდ გამარჯვებას წარმოადგენს".

"ომის დასრულება და სიონისტური რეჟიმისთვის ცეცხლის შეწყვეტის დაწესება პალესტინისთვის აშკარა და დიდი გამარჯვებაა, სიონისტური რეჟიმისთვის კი კიდევ უფრო დიდი მარცხია", — აცხადებს ირანის რევოლუციური გვარდია.

ამასთან, განცხადებაში აღნიშნულია, რომ იმ შემთხვევაში, თუ ისრაელი ცეცხლის შეწყვეტის შეთანხმების დაარღვევს, ირანის რევოლუციური გვარდია "ახალ ომებთან და დანაშაულებთან" დაპირისპირებისთვის მზად არის.

"წინააღმდეგობა კვლავ ცოცხალი და ძლიერია და ალ-აქსას მეჩეთისა და იერუსალიმის გათავისუფლების შესახებ ღვთაებრივი აღთქმის უფრო მეტად სწამს", — აღნიშნულია განცხადებაში.

ცნობისთვის, 15 იანვარს, ისრაელმა და "ჰამასმა" შეთანხმებას მიაღწიეს ღაზაში ცეცხლის შეწყვეტისა და მძევლების გათავისუფლების შესახებ.