თეთრი სახლის ინფორმაციით, ჰიუსტონში ქარიშხალ ჰარვისგან მიღებული ზიანის აღსადგენად აშშ-ის პრეზიდეტნი დონალდ ტრამპი კუთვნილ ერთ მლნ დოლარს გაიღებს, წერს Fox New.

ამასთანავე თეთრი სახლი ამზადებს წინადადებას, რომ ზიანის აღმოსაფხვრელად კონგრესმა 5.9 მლრდ დოლარი გამოყოს.

ქარიშხალი ჰარვი ტეხასის შტატს გასულ კვირას დაატყდა თავს. მსგავსი სიძლიერის ქარიშხალი აღნიშნულ შტატში ბოლო 50 წლის განმავლობაში არ ყოფილა, თუმცა ამაზე ძლიერი ქარიშხალი იყო კატრინა, რომელმაც 12 წლის წინ გადაუარა ნიუ ორლეანსა და აშშ-ს სამხრეთ-აღმოსავლეთის სხვა სანაპირო რეგიონებს.

ქარიშხალ ჰარვის თან მოჰყვა ძლიერი ტროპიკული წვიმები, რის გამოც ათეულობით დასახლება დაიტბორა. Fox News-ის ინფორმაციით, 32 ათასი ადამიანი ამ დრომდე საგანგებოდ მოწყობილ თავშესაფრებში რჩება, დაზიანებულია 100 ათასამდე საცხოვრებელი სახლი. ბოლო ინფორმაციით, დაღუპულია 40-მდე ადამიანი.

როგორც ტეხასის გუბერნატორი გრეგ ებოტი ამბობს, შტატს, ქარიშხლის შედეგების აღმოსაფხვრელად, ფედერალური ბიუჯეტიდან $125 მილიარდი დასჭირდება.