მარ-ა-ლაგოს რეზიდენციაში გამართულ პრესკონფერენციაზე, აშშ-ს არჩეულმა პრეზიდენტმა დონალდ ტრამპმა კიდევ ერთხელ გააჟღერა პრეტენზიები გრენლანდია და პანამის არხზე. ამას გარდა, მას აშშ-ს ამჟამინდელი პრეზიდენტი უკრაინაში ომის პროვოცირებაში დაადანაშაულა, ჰამასს კიდევ ერთხელ დაემუქრა და ისიც თქვა, რომ მზადაა გამოიყენოს ეკონომიკური ზომები, რომ კანადა აშშ-ს 51-ე შტატად აქციოს. პრესკონფერენციის დეტალებზე Euronews წერს.

გრენლანდია, პანამის არხი, კანადა

აშშ-ს არჩეულმა პრეზიდენტმა თქვა, რომ გრენლანდიასა და პანამის არხზე კონტროლის მოსაპოვებლად სამხედრო ან ეკონომიკური იძულების მეთოდებს არ გაექცევა.

"პანამის არხი აშენდა ჩვენი სამხედროებისთვის... პანამის არხი ჩვენთვის ძალიან მნიშვნელოვანია. მას მართავს ჩინეთი. ჩინეთი! ჩვენ არხი პანამას მივეცით და არა ჩინეთს", — თქვა ტრამპმა.

რაც შეეხება გრენლანდიასთან დაკავშირებით ტრამპმა შემდეგი განაცხადა, რომ კუნძული აშშ-ს თავისუფალი სამყაროს დასაცავად ეროვნული უსაფრთხოებისთვის სჭირდება.

"ხალხმა არც კი იცის, აქვს თუ არა დანიას კანონიერი უფლება. მაგრამ თუ აქვს, მათ უნდა დათმოს ეს, რადგან ჩვენ ეს გვჭირდება ეროვნული უსაფრთხოებისთვის, თავისუფალი სამყაროს დასაცავად, მათ შორის რუსული და ჩინური გემებისგან," — თქვა აშშ-ს არჩეულმა პრეზიდენტმა.

ტრამპმა ისიც თქვა, რომ მზადაა გამოიყენოს ეკონომიკური და არა არა სამხედრო ზომები, რომ კანადა აშშ-ს 51-ე შტატად აქციოს.

ახლო აღმოსავლეთი

ახლო აღმოსავლეთში არსებული ვითარების კომენტირებისას, ტრამპმა ჰამასს მოუწოდა, გაათავისუფლოს 2023 წელს ისრაელზე თავდასხმის დროს აყვანილი მძევლები მისი ინაუგურაციის დღემდე, 20 იანვარს. "თუ ეს მძევლები არ დაბრუნდებიან ჩემი თანამდებობის დაკავებამდე, ახლო აღმოსავლეთში ჯოჯოხეთი იქნება", — თქვა მან.

უკრაინა

ტრამპმა კვლავ დაადანაშაულა ჯო ბაიდენი შეცდომებში, რომლებმაც, მისი აზრით, უკრაინის ომი გამოიწვია. ტრამპი ამბობს, რომ რუსეთი შეიჭრა უკრაინაში, რადგან ბაიდენმა თქვა, რომ უკრაინას შეეძლო ნატოში გაწევრიანება. ტრამპმა აღნიშნა, რომ მას "შეუძლია გაიგოს რუსეთის გრძნობები".

"ბაიდენი არის კონფლიქტის დამნაშავე; ეს გამოწვეულია მისი ადმინისტრაციის არაკომპეტენტურობით", — თქვა მან.

ტრამპმა განაცხადა, რომ ვერ შეხვდება რუსეთის პრეზიდენტ ვლადიმერ პუტინს მის ინაუგურაციამდე. მისივე თქმით, ის ომის დასრულებას ექვს თვეში ელოდება.

გამოხმაურება კანადასა და დანიაში

კანადის პრემიერ მინისტრმა ჯასტინ ტრუდომ თქვა, რომ "მცირე შანსიც კი არ არსებობს იმისა", რომ კანადა შეერთებული შტატების ნაწილი გახდეს.

"გამორიცხულია, რომ კანადა აშშ-ის ნაწილი გახდეს. ორივე ქვეყანაში დასაქმებულები და ადგილობრივები ერთმანეთთან სავაჭრო და უსაფრთხოების სფეროში პარტნიორობით სარგებლობენ", — თქვა ტრუდომ.

დანიის პრემიერ-მინისტრმა მეტე ფრედერიკსენმა განაცხადა, რომ "გრენლანდია არ იყიდება".

"დანიის მთავრობის პოზიცია აბსოლუტურად ნათელია. გრენლანდიის მომავალი განსაზღვრულია გრენლანდიაში. გრენლანდია ეკუთვნის გრენლანდიელებს", — თქვა მან.

დონალდ ტრამპ უმცროსი გრენლანდიაში სამშაბათს კერძო ვიზიტით ჩავიდა.

შვილის ვიზიტის კომენტირებისას ტრამპმა თქვა, რომ გრენლანდიელი ხალხი დიდ სარგებელს მიიღებს, თუ აშშ-ს ნაწილი გახდება

"გრენლანდია წარმოუდგენელი ადგილია და მისი ხალხი დიდ სარგებელს მიიღებს, თუ და როდესაც ის ჩვენი ქვეყნის ნაწილი გახდება. ჩვენ დავიცავთ მას და დავიცვათ ძალიან ბოროტი გარე სამყაროსგან. ვაქცევთ გრენლანდია კვლავ დიდებულს!", — თქვა ტრამპმა.