ჯგუფებმა ფრანი, სინთეზი, ნალი ბენდი და A'ges გაავრცელეს ინფორმაცია, რომ მერიის საახალწლო კონცერტებში მონაწილეობას არ იღებენ.

ჯგუფი სინთეზი სოციალურ ქსელში წერს, რომ ქვეყანაში განვითარებული მოვლენების გამო 17 კორპორაციული საღამო გააუქმა.

არც ფრანი მიიღებს მონაწილეობას მერიის მიერ ორგანიზებულ საახალწლო კონცერტში.

"აღნიშნულ საახალწლო ღონისძიებაში ფრანი არ იღებს მონაწილეობას მეგობრებო", — წერს ფრანის დამფუძნებელი გაგა ჩიხლაძე სოციალურ ქსელში.

რადიო თავისუფლებას ცნობით, საახალწლო კონცერტის მონაწილეთა სიაში იყო ნალი ბენდი. მოგვიანებით, ბენდის ერთ-ერთმა წევრმა, გიორგი კობახიძემ აღნიშნა, რომ მათ წელს კონცერტში მონაწილეობაზე მერიასთან არც შეთანხმება ჰქონიათ და არც შეთავაზება მიუღიათ.

კონცერტში არ მიიღებენ მონაწილეობას არც ანანო ღიბრაძე და ბენდი A'ges.

საახალწლო ღონისძიების გასამართად თბილისის მერიამ შპს ქეი ივენთს ხელშეკრულება გაუფორმა. გამოცემა წერს, რომ 875 112 ლარად ღონისძიება უნდა გაიმართოს თბილისში ორბელიანის მოედანსა და დედაენის ბაღში.

აღნიშნული ხელშეკრულების მიხედვით, საახალწლო კონცერტში მონაწილეობას მიიღებენ:

რეზო და ბავშვები — 30 000 ლარი;

თიკა ჯამბურია, ირინე ბაირამაშვილი და ბენდი — 13 100 ლარი;

ანსამბლი რუსთავი —15 000 ლარი;

ელის ბენდი — 6000 ლარი;

ჯგუფი ბანი — 15 000 ლარი;

ნანოს ბენდი — 8000 ლარი;

Latino Boys - 7000 ლარი;

კვარტეტი ვივო — 2500 ლარი;

ელიტ ბენდი — 5000 ლარი;

ანსამბლი გორდელა — 15 000 ლარი;

Posutuve Band — 8000 ლარი;

ზუკას ბენდი — 9000 ლარი;

ჯგუფი ურსა — 46 460 ლარი;

თბილისური კვარტეტი — 6000 ლარი;

ჯგუფი Reggaeon — 25 500 ლარი;

Goofy Land — 30 000 ლარი;

ჯგუფი მიქსტურა — 15 000 ლარი;

ანსამბლი ჰერიო — 8500 ლარი;

ღამის შოუს ბენდი და წამყვანის ჰონორარი — 30 000 ლარი;

ჯგუფი ქუჩის ბიჭები — 15 000 ლარი;

თეატრალური კვარტეტი — 15 000 ლარი;

დავით ილურიძის ბენდი — 10 000 ლარი;

ანსამბლი ალილო — 11 200 ლარი;

ანსამბლი შვიდკაცა — 14 000 ლარი;

ჯგუფი ოჩოს ქოხი — 15 000 ლარი

ანსამბლი ბასიანი — 12 000 ლარი;

ბენდი სინთეზი — 6000 ლარი;

ლინდა ადამია და ჯგუფი 1/4 — 12 000 ლარი;

ჯგუფი New One — 15 800 ლარი;

ანსამბლი მძლევარი — 15 800 ლარი;

ბენდი ქვევრი — 14 000 ლარი;

ანსამბლი ერისიონი — 21 200 ლარი;

ანსამბლი გურჯაანი — 3950 ლარი;

ნიკა ნიკვაშვილი და ორკესტრი — 40 000 ლარი;

ვარდელის სახელობის ორკესტრი — 7000 ლარი.

ამავე კონტრაქტით გათვალისწინებულია ორკესტრით მსვლელობა და გაიმართება ლაივ შოუები.

როგორც გაგა ჩიხლაძე ნეტგაზეთთან აცხადებს, ვინც მანამდე საახალწლო ღონისძიებებზე მოიკითხეს და უბრალოდ ჰონორარები ჰკითხეს სამომავლო ურთიერთობებისთვის, სავარაუდოდ ეგ სიაა, ხოლო უშუალოდ ფრანს ხელშეკრულებაც კი არ აქვს არავისთან გაფორმებული.