რესპუბლიკის მოედნიდან ერთობლივი საპროტესტო მარში ინტელექტუალური კლუბის "რა? სად? როდის?" და "წიგნების თაროს" მოთამაშეებმა და მხარდამჭერებმაც გამართეს.

აქციის მონაწილეებმა რესპუბლიკის მოედანზე საავტომობილო გზა გადაკეტეს.

"წიგნების თაროს" ერთ-ერთი ფინალისტი, გიორგი ადამაშვილმა ჟურნალისტებთან ინტერვიუში განაცხადა, რომ საქართველოს მომავალი ევროპაშია.

"ევროპული მომავალი ჩვენია. გავიმარჯვებთ ერთიანობით და ერთად დგომით. ასე ერთად დგომით წარმატებას მივაღწევთ და შევალთ ევროპაში", — განაცხადა გიორგი ადამაშვილმა.

დემონსტრანტებს ევროკავშირის და საქართველოს დროშები უჭირავთ და მსვლელობით პარლამენტისკენ მიემართებიან, პარალელურად ისმის შეძახილები: "საქართველო".

დღეს, თბილისის ქუჩებში სხვადასხვა სფეროს წარმომადგენლებმა საპროტესტო მარში გამართეს. მათ შორის გაიმართა ხელოვანების, რესტავრატორების, საფეხბურთო კლუბების ფანების მარშები. ამასთან, დაგეგმილია ვეტერანებისა და ცხოველთამოყვარულების მარში.