ამერიკის შეერთებული შტატები უკრაინას 500 მილიონი აშშ დოლარის ღირებულების სამხედრო დახმარების ახალ პაკეტს მიაწვდის, — ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

"გაზრდილი უსაფრთხოების დახმარების ფარგლებში, რაც პრეზიდენტმა ბაიდენმა 26 სექტემბერს გამოაცხადა, აშშ ჩვენს უკრაინელ პარტნიორებს მყისიერად საჭირო შეიარაღებისა და აღჭურვილობის მორიგ მნიშვნელოვან პაკეტს აწვდის მაშინ, როცა ისინი რუსეთის მიმდინარე თავდასხმისგან საკუთარი თავის დაცვას განაგრძობენ". — წერია განცხადებაში.

მისი თქმით, დახმარების ახალი პაკეტი მოიცავს საბრძოლო მასალას HIMARS-ის მრავალჯერადი სარაკეტო სისტემებისთვის, ტანკსაწინააღმდეგო იარაღს და დრონების საწინააღმდეგო იარაღს.

დახმარების პაკეტი HIMARS-ის საბრძოლო მასალებს, 155-მმ და 105-მმ-იან საარტილერიო ჭურვებს, Javelin-ებს, უპილოტო საფრენ სისტემებსა და სხვა სახის შეიარაღებას მოიცავს..

ბლინკენის თქმით, დახმარება აშშ-ის სამხედრო რეზერვებიდან გამოიყოფა.