12 დეკემბერს ევროკავშირის საბჭომ ბულგარეთთან და რუმინეთთან სახმელეთო საზღვრის კონტროლის გაუქმების გადაწყვეტილება მიიღო. რაც გულისხმობს, რომ ქვეყნები შენგენის ზონის წევრები გახდნენ. ინფორმაციას POLITICO ავრცელებს.

ბულგარეთი და რუმინეთი ოფიციალურად შენგენის სივრცეს 2025 წლის 1 იანვარს შეუერთდებიან.

2023 წლის ბოლოს ევროკავშირმა რუმინეთსა და ბულგარეთს სასაზღვრო შეზღუდვები ნაწილობრივი მოხსნის განკარგულება გასცა, რომელიც 2024 წლის 30 მარტს აღსრულდა და ქვეყნების საჰაერო და საზღვაო საზღვრები შენგენის ზონაში შევიდა.

რუმინეთმა და ბულგარეთმა ტექნიკური ვალდებულებები ჯერ კიდევ 2010 წელს შეასრულეს, თუმცა შენგენის ზონაში შესვლაზე უარი ნიდერლანდებისგან და ავსტრიისგან მიიღეს.