"ფაბრიკის" რეზიდენტები ერთობლივ განცხადებას ავრცელებენ საქართველოში მიმდინარე მოვლენებთან დაკავშირებით. მათი გადაწყვეტილებით, ყოველწლიური საშობაო ბაზრობა, რომელიც "ფაბრიკის" დაარსების დღიდან იმართებოდა, წელს აღარ გაიმართება.

"ჩვენ, ფაბრიკას რეზიდენტებს, გვჯერა, რომ საქართველოს მომავალი მხოლოდ ევროპული გზით შეიძლება გაგრძელდეს და ამ გზაზე ყველა დაბრკოლება ერთად უნდა გადავლახოთ. ამიტომ, ყოველდღიურად ვდგავართ იმ ადამიანებთან ერთად, ვინც ამ რწმენას იზიარებს და არ ეგუება უსამართლობას.

ვთანხმდებით, რომ ამ დროს, შეუძლებელია დღესასწაულის განწყობაზე ვიფიქროთ. ის, რაც დღეს ქვეყანაში ხდება, საფრთხეს უქმნის ჩვენთვის ყველაზე მნიშვნელოვან ღირებულებებს — თავისუფლებას და შეუჩერებელ პროგრესს.

რეზიდენტების ერთობლივი გადაწყვეტილებით, ქვეყანაში მიმდინარე მოვლენებიდან გამომდინარე, მიზანშეწონილად მიგვაჩნია წლის მთავარი ღონისძიება - საშობაო ბაზრობა გავაუქმოთ, რომელიც ტრადიციულად, ფაბრიკას გახსნის დღიდან ყოველ წელს იმართებოდა", — ვკითხულობთ განცხადებაში.

გადაწყვეტილებას უერთდებიან შემდეგი ობიექტები: Tone თონე, CMR, Moulin Electrique, Creative Education Studio, Tsibakha • წიბახა, Popolo, PIPES burger joint at Fabrika • პაიპს ბურგერ ჯოინტი ფაბრიკაში, Saamuri • საამური, MUA - Architecture & Placemaking, Shavikata, Shio Ramen, Fabrika Hostel, Veli Store, Graffiti Dealers, Margo Skate Shop, Jpg, Ceramic Studio 1300, Magnolia Film Lab, Vodkast Records, Impact Hub Tbilisi.