ტელეკომპანია რუსთავი 2-ის ყოფილი დირექტორი და ქიბარ ხალვაშის ადვოკატი, პაატა სალია მეთერთმეტე მოწვევის პარლამენტის წევრი ხდება. როგორც ქართული ოცნების სიის 96-ე ნომერი რადიო თავისუფლებას განუცხადა, არ აპირებს საპარლამენტო მანდატზე უარის თქმას.

"ჩვენი პოლიტიკური შეხედულებები, მრწამსი და ზოგადად ის, თუ როგორ წარმართავს ქართული ოცნება თავის პოლიტიკას, როგორ ვითარდება ქვეყანა, ამის გამო გადავწყვიტე, ვყოფილიყავი პარტიის წევრი. მივიღე შეთავაზება და მაშინვე დავთანხმდი..." — უთხრა პაატა სალიამ რადიო თავისუფლებას.

ის ამ დრომდე პაატა სალია არის შპს სამაუწყებლო კომპანია რუსთავი 2-ის დირექტორი. ამ შპს-ს ეკუთვნის ტელეკომპანია რუსთავი 2-ის 10%-იანი წილი. მისი თქმით, ამის მიუხედავად, არ გაჩნდება კითხვა ტელეკომპანიის სარედაქციო პოლიტიკის ქართული ოცნების“ მიმართ მიკერძოებასთან დაკავშირებით.

წყარო: რადიო თავისუფლება