მედია "აჭარა თაიმისის" ინფორმაციით, ბათუმში, აქციაზე ადმინისტრაციული წესით ერთი პირი დააკავეს, რასაც აჭარის მთავრობასთან შეკრებილების პროტესტი მოჰყვა.

მედიის მიერ გავრცელებული ინფორმაციით, პოლიციამ აქციის მონაწილე შეურაცხყოფის ბრალდებით აიყვანა.

შეგახსენებთ, უკვე მე-12 დღეა, რაც საქართველოს მასშტაბით, მოქალაქეები, აქტიურად ატარებენ პროევროპულ საპროტესტო აქციებს.

ქვეყნის სხვადასხვა ქალაქებში აქციები ირაკლი კობახიძის განცხადებას მოჰყვა, რომელმაც 28 ნოემბერს თქვა, რომ "ოცნება" ევროკავშირთან მოლაპარაკებების დაწყებას 2028 წლამდე აჩერებს.