"ტვ პირველის" ჟურნალისტს მაკა ჩიხლაძეს და ოპერატორს გიორგი შეწირულს, უცნობი, ნიღბიანი მამაკაცები თავს დაესხნენ პირდაპირ ეთერში.

როგორც ტელეკომპანიაში ამბობენ, მათ თანამშრომლებს მრავლობითი დაზიანებები აღენიშნებათ.



"ტვ პირველის" თქმით, ადგილზე დიდი ხანია, რაც სასწრაფო დახმარება გამოიძახეს და განუმარტეს, რომ მათ გადამღებ ჯგუფს სიცოცხლისთვის საფრთხის შემცველი დაზიანებები აღენიშნებათ, თუმცა ამის მიუხედავად სასწრაფო დახმარება ადგილზე ჯერ არ მისულა.

ასევე ადგილზე უმოქმედოდ იდგა საპატრულო პოლიციის ეკიპაჟები. უშუალოდ თავდასხმისას ეკიპაჟი დაპირისპირების ადგილს განერიდა, რა დროსაც აღნიშნული თავდასხმა მოხდა.

ტვ პირველის წამყვანმა ნოდარ მელაძემ პირდაპირ ეთერში მიმართა 112-ს და მიაწოდა ინფორმაცია ცემის შესახებ, თუმცა ამ დრომდე [11:01] შესაბამისი რეაგირება არ ყოფილა.