უმაღლესი განათლების ექსპერტების განცხადების მიხედვით, საქართველოს უმაღლესი განათლების სისტემა კარგავს ხარისხის მართვის ორი ევროპული ორგანიზაციის, ევროპის ხარისხის უზრუნველყოფის რეესტრის (EQAR) და უმაღლესი განათლების ხარისხის უზრუნველყოფის ევროპული ასოციაციის (ENQA) წევრობას.

განათლების ექსპერტების შეფასებით, ENQA-ს წევრობის დაკარგვა და EQAR-ის რეგისტრაციის გაუქმება საქართველოს უმაღლესი საგანმანათლებლო დაწესებულებებისთვის (უსდ) გამოიწვევს შემდეგ შედეგებს:

  • საქართველოს უმაღლესი განათლების ხარისხის უზრუნველყოფის სისტემა აღარ არის შესაბამისობაში ევროპულ სტანდარტებთან, რაც უარყოფითად აისახება ჩვენი განათლების სისტემის რეპუტაციაზე, მის მიმართ არსებულ ნდობაზე და ქვეყნის საერთაშორისო იმიჯზე;
  • ეჭვქვეშ დადგება საქართველოს უსდ-ების მიერ განხორციელებული საგანმანათლებლო პროგრამების ხარისხის სანდოობა და პრობლემური გახდება სტუდენტებისა და კურსდამთავრებულების კრედიტების და დიპლომების საზღვარგარეთ აღიარება, განსაკუთრებით, ევროკავშირისა და ბოლონიის პროცესის/ერთიანი ევროპული საგანმანათლებლო სივრცის წევრ ქვეყნებში;
  • საფრთხე შეექმნება საქართველოს უსდ-ს მიერ განხორციელებულ მოქმედ და დაგეგმილ ერთობლივ საერთაშორისო საგანმანათლებლო პროგრამებს, რომლებიც კურსდამთავრებულებს ანიჭებს ე.წ. ორმაგ აკადემიურ ხარისხს;
  • მკვეთრად შემცირდება უმაღლესი განათლების საერთაშორისოობის, მათ შორის, გაცვლითი პროგრამების, მობილობისა და სხვა ტიპის თანამშრომლობის, ასევე, საერთაშორისო სტუდენტების ჩარიცხვის მაჩვენებლები. ეს უკან დახევს სწავლების ხარიხს და უსდ-ების შემოსავალზე.

ოფიციალური გადაწყვეტილება ევროპული ორგანიზაციების მხრიდან წევრობის შეჩერების შესახებ უკვე მიღებულია, თუმცა გამოქვეყნებული ჯერ არ არის.

მიმდნარე პროცესების შესახებ განცხადებას ავრცელებენ ექსპერტები — ირინე დარჩია, ლიკა ღლონტი, მარინე ჩიტაშვილი და ქეთი ცოტნიაშვილი.