ბიტკოინის ფასმა დღეს, 5 დეკემბერს პირველად გადააჭარბა 100,000 დოლარს. ამის შესახებ Bloomberg წერს. თბილისის დროით 11:45 საათისთვის ბიტკოინის ფასი გაიზარდა და 102,528 დოლარი გახდა.

ყველაზე ძველი და ყველაზე მსხვილი კრიპტოვალუტის, ბიტკოინის ფასის ზრდის მიზეზად ინვესტორების ფსონები სახელდება. ამას გარდა, ანალიტიკოსები ბიტკოინის ღირებულების თითქმის 42%-იან ზრდას აშშ-ს საპრეზიდენტო არჩევნებში დონალდ ტრამპის გამარჯვებას მიაწერენ.