ეს სია ძალიან მნიშვნელოვანი მონაპოვარია, რამეთუ ადასტურებს სისტემის რღვევას, — ამის შესახებ სალომე ზურაბიშვილი სოციალურ ქსელში წერს და სპეცრაზმელების ვინაობის შესახებ „მთავარი არხის“ მიერ გამოქვეყნებულ სიას გამოეხმაურა.

მისი თქმით, ამ სიის გამოქვეყნება “არ უნდა არავითარ შემთხვევაში გადაიზარდოს პირად ანგარიშსწორებაში”.

"ეს სია ძალიან მნიშვნელოვანი მონაპოვარია, რამეთუ ადასტურებს სისტემის რღვევას და აძლიერებს საზოგადოებრივ მორალურ წნეხს ადამიანებზე, რომლებსაც, იმედი მაქვს, შეიძლება სინდისი აწუხებთ და ჩადენილს განიცდიან.

ეს წნეხი საზოგადოების ჯანსაღი გამოვლინებაცაა და დიდი ძალა, თუმცა არ უნდა არავითარ შემთხვევაში გადაიზარდოს პირად ანგარიშსწორებაში! ამან პირიქით დროებით კონსოლიდაცია შეიძლება გამოიწვიოს.

სამართლიანი სასამართლოს დრო ისედაც მოდის!", — წერს პრეზიდენტი.