ახალგაზრდა ქალი, რომელმაც 2 დეკემბერს სპეცრაზმის კორდონი გაარღვია, სასამართლომ 2 600 ლარით დააჯარიმა. მანამდე ის წინასწარი დაკავების იზოლატორში "კანონიერი მოთხოვნის დაუმორჩილებლობისთვის" მოათავსეს.

დაკავებულის ადვოკატის, ლაშა ტყეშელაძე პუბლიკასთან ამბობს, რომ დაკავების შემდეგ, პოლიციის მხრიდან მასზე ძალადობას ადგილი არ ჰქონია.

"ზოგადად, კადრები რაც არის, რომ შეათრიეს, მაგის შემდეგ რაღაც ცოტა თმაზეც მოკიდეს, მაგრამ თვითონ აფიქსირებს, რომ მის მიმართ ძალადობა არ განხორციელებულა. ერთადერთი იყო ის, ეს ცოტა კანონთან კონფლიქტში მოდის, უღებდნენ და სხვადასხვა კითხვებს უსვამდნენ და ეს არის კანონთან კონფლიქტში, სამწუხაროდ, უბრალოდ იმდენად აღელვებული ვიყავიო რა კითხვებს მისვამდნენო, რა უნდოდათ და რატომ მიღებდნენო ეგ საერთოდ არ ახსოვს.

ვერ გაიხსენა დღეს. ნერვიულობს, რომ ჰყავს 11 წლის შვილი, რომელსაც მარტო ზრდის, და მამა მუშაობს და ამაზე იყო ანერვიულებული რომ მარტო როგორ უნდა იყოს და ასე შემდეგ. […] ბავშვზე ღელავდა, რომ მარტო ხომ არ იყო," — განაცხადა ლაშა ტყეშელაძემ პუბლიკასთან.