ამ წუთებში პარლამენტთან მომიტინგეები აღარ არიან. სპეცრაზმმა საკანონმდებლო ორგანოს წინა პერიმეტრი თითქმის გაწმინდა.

მანამდე დაძაბული ვითარებაა პარლამენტის მიმდებარე ქუჩებზე, აქციის მონაწილეები პიროტექნიკას იყენებდნენ, პოლიცია კი წყლის ჭავლით ცდილობდა მათ დაშლას. სპეციალური დანიშნულების რაზმმა აქციის რამდენიმე მონაწილე დააკავა.

პარლამენტის წინა მხარეს აქციის ერთ-ერთი მონაწილე შენობის შემაღლებული ნაწილიდან ჩამოვარდა და დაშავდა. აქციის მონაწილეების თქმით, შემთხვევა მაშინ მოხდა, როდესაც აქციის მონაწილეს პოლიცია დაედევნა, მას კი ფეხი აუცდა, ჩამოვარდა და სახე ბეტონის კონსტრუქციას ჩამოარტყა“.

აქციის მონაწილეებმა რუსთაველის გამზირზე ბარიკადები აქვთ მოწყობილი. როგორც ამბობენ, ეს მათ თავდაცვისთვის სჭირდებათ.

ადგილზე გართულებულია სუნთქვა, რადგან რუსთაველზე ცრემლსადენი გაზი გაუშვეს.

საპოლიციო ძალებს მძიმე ტექნიკით, წყლი ჭავლის მანქანებით და პოლიციის ავტობუსებით აქვთ გზა ჩაკეტილი თავისუფლების მოედანთან.