ჩაებით წინააღმდეგობის მოძრაობაში, – ამ სიტყვებით მიმართავ პროფესორი და სოციოლოგი იაგო კაჭკაჭიშვილი სტუდენტებს. როგორც თვითონ წერს, "ევროპულ უნივერსიტეტებთან გაშინაურება აბსოლუტურად არ არის თავისთავად ნაგულისხმევი მოცემულობა. ეს პრაქტიკა აუცილებლად შეწყდება, რადგან საქართველოს მთავრობამ ყრუ და მტრული კედელი აღმართა საქართველოსა და ევროპას შორის".

მივმართავ სტუდენტებს. განსაკუთრებით, ჩემს სტუდენტებს.

თქვენ შეეჩვიეთ ევროკავშირის საგანმანათლებლო პროგრამებში მონაწილეობას - როგორც არასდროს, ისე ადვილია თქვენთვის ევროპის კარგ უნივერსიტეტებში სწავლა, სტაჟირება, კონფერენციებსა და სემინარებში მონაწილეობა. მე რომ თქვენხელა ვიყავი, ამაზე ვერც ვიოცნებებდი.

ევროპულ უნივერსიტეტებთან გაშინაურება აბსოლუტურად არ არის თავისთავად ნაგულისხმევი მოცემულობა. ეს პრაქტიკა აუცილებლად შეწყდება, რადგან საქართველოს მთავრობამ ყრუ და მტრული კედელი აღმართა საქართველოსა და ევროპას შორის.

შეუძლებელია არ გესმოდეთ, რომ სამშობლოს ვკარგავთ - განათლებულ და ევროპულ საქართველოს. ევროპისგან (დასავლეთისგან) იზოლირებულ საქართველოში ცხოვრება ჩვენ, უფროსებმა, ვიცით, რასაც ნიშნავს - სუროგაციაში ყოფნას, ფალსიფიცირებული განათლების მიღებას, "ვითომ განათლებულობას". ხოლო ასეთ სუროგაციას თავისი დამღუპველი შედეგები მოაქვს - ქვეყნის ჭაობში ჩაძირვა ყველა მიმართულებით.

გაითვალისწინეთ ეს და ჩაებით წინააღმდეგობის მოძრაობაში!", — წერს იაგო კაჭკაჭიშვილი.