ჩვენ, როგორც არასდროს, გვჭირდება მეტი #ევროპა და მეტი #ნატო; გვჭირდება მეტი სოლიდარობა და თავისუფალი სამყაროს გვერდში დგომა!, — ამის შესახებ სოციალურ ქსელში კორეის რესპუბლიკაში საქართველოს საგანგებო და სრულუფლებიანი ელჩი თარაშ პაპასქუა წერს.

აღსანიშნავია, რომ პრეზიდენტის მოწოდებების მიუხედავად, თარაშ პაპასქუა პირველი და ჯერჯერობით ერთადერთი მოქმედი ელჩია, რომელიც, 28 ნოემბერს ოცნების ხელისუფლების მიერ გაკეთებული განცხადების შემდეგ, ქვეყნის ევროპასთან და ნატოსთან თანამშრომლობის მნიშვნელობაზე აკეთებს აქცენტს.

"დღეს, როცა რუსეთი:

— აგრძელებს ჩვენი ქვეყნის 20%-ის ოკუპაციას;

— აწარმოებს დამანგრეველ ომს უკრაინის წინააღმდეგ;

— ებრძვის ევროპას, დემოკრატიულ სამყაროს და საფრთხეს უქმნის გლობალურ უსაფრთხოებას...

ჩვენ, როგორც არასდროს, გვჭირდება მეტი #ევროპა და მეტი #ნატო; გვჭირდება მეტი სოლიდარობა და თავისუფალი სამყაროს გვერდში დგომა!!," — წერს თარაშ პაპასქუა.