"მედიაომბუდსმენის" მიერ გავრცელებული ინფორმაციით, სპეციალურ საგამოძიებო მიაწოდეს ინფორმაცია დღეს, 29 ნოემბერს, აქციის გაშუქებისას დაშავებული ჟურნალისტებისა და ოპერატორების შესახებ.

პარლამენტთან მიმდინარე აქციაზე ფორმულას, TV პირველისა და პუბლიკას ჟურნალისტები და ოპერატორები დაშავდნენ.

ამასთან მედია პუბლიკას ინფორმაციით, დღევანდელ საპროტესტო აქციაზე, პროფესიული მოვალეობის შესრულებისას გამოცემის ჟურნალისტი, ალექსანდრე ქეშელაშვილი დააკავეს, ხოლო მოგვიანებით ის წერილის საფუძველზე გაათავისუფლეს.

ქეშელაშვილის თქმით მას სცემეს, შედეგად კი გაუტყდა ცხვირი და გადაჰყავთ საავადმყოფოში, ამასთან პოლიციამ მას კამერები წაართვა.

"მედიაომბუდსმენი" შსს-ს მოუწოდებს, რომ მედიაზე და აქციის მონაწილეებზე თავდასხმა შეწყვიტოს.

ჟურნალისტებისა და ოპერატორებისთვის ხელმისაწვდომია "მედიაომბუდსმენის" საკონსულტაციო ცხელი ხაზი: 577 070 592

ცნობისთვის, დღეს, 29 ნოემბერს, პარლამენტთან მიმდებარე ტერიტორიაზე მშვიდობიანი აქციის დარბევისას შსს-მ გამოიყენა წყლის ჭავლი, წიწაკის სპრეკი და ცრემლსადენი გაზი. მოქალაქეების მტკიცების, წყლის ჭავლში სავარაუდოდ სხვა ნივთიერებაც არის გარეული.

შეგახსენებთ, რომ გუშინ 28 ნოემბერს, საქართველოს პრემიერმინისტრმა ირაკლი კობახიძემ განაცხადა, რომ "ოცნება" ევროკავშირში გაწევრიანების პროცესს 2028 წლამდე აჩერებს, რასაც მოგვიანებით მასშტაბური საპროტესტო აქციები მოჰყვა.

მოქალაქეებმა აქციები 5 ქალაქში გამართეს, მათ შორის თბილისში, ბათუმში, ქუთაისში, ზუგდიდსა და გორში. თბილისში აქცია ამ დრომდე გრძელდება.