ოთხშაბათს, Forex-ის საერთაშორისო სავალუტო ბაზარზე დოლარის კურსმა, 2022 წლის მარტის შემდეგ პირველად, 114 რუბლს გადააჭარბა. რუბლის ორწლიან პერიოდში ვარდნის მაჩვენებელი 46%-ს აღწევს.

ამ მომენტისთვის 1 დოლარი 108 რუბლი ღირს.

რუბლის გაუფასურებას ხელს უწყობს, რუსეთის წინააღმდეგ აშშ-ს სანქციების ახალი პაკეტი, მათ შორის, სანქციები, რომლებიც ქვეყანაში უცხოური ვალუტის ერთ-ერთი უმსხვილესი მიმწოდებლის, გაზპრომბანკის წინააღმდეგ დაწესდა. რუსული მედია წერს, რომ რუბლი ექსპორტიდან უცხოური ვალუტის არასაკმარისი შემოდინებისა და ნავთობის ფასების შემცირების გამო ეცემა.

Bm.ge წერს, რომ რუბლის ბოლოდროინდელი გაუფასურება პირდაპირ კავშირშია ტრამპის გამარჯვებასთან, რომელიც აანონსებს, რომ გაპრეზიდენტებიდან რამდენიმე დღეში რუსეთ-უკრაინის ომს დაასრულებს, რაც, თავის მხრივ, რუბლის გაცვლით კურსზე ნეგატიურად აისახება.

გარდა ამისა, ევროკავშირი მოსკოვის წინააღმდეგ სანქციების ახალ პაკეტს ამზადებს, რაც ქვეყნის ეკონომიკას კიდევ უფრო მეტად შეზღუდვას.

ამასთან, რუსეთის ცენტრალური ბანკის განცხადებით, ქვეყნის ეკონომიკური ზრდის ტემპი შენელებულია, რაც, უწყების შეფასებით, გამკაცრებული მონეტარული პოლიტიკითაა განპირობებული. მოგეხსენებათ, რუსეთში რეფინანსირების განაკვეთი 21%-ს შეადგენს, რაც მსოფლიოში ერთ-ერთი ყველაზე მაღალი მაჩვენებელია.