პარტია გახარია საქართველოსთვის ერთ-ერთი ლიდერი, თეონა აქუბარდია ქართული ოცნების მიერ პრეზიდენტობის კანდიდატად მიხეილ ყაველაშვილის წარდგენას გამოეხმაურა და ბიძინა ივანიშვილი რომის იმპერატორ კალიგულას შეადარა.

"ეს ყველაფერი ასოციაციას იწვევს კალიგულასთან და მის ცხენთან, სენატში შეყვანის პროცესში. აბსოლუტურად არ აქვს მნიშვნელობა, რა პოზიციას მისცემს ივანიშვილი მის მორჩილ ცხენს. ამიტომ, ეს არის კიდევ ერთხელ ჩვენება იმისა, თუ რამდენად ამართლებს უხეირო დიქტატორის სტატუსს ივანიშვილი და კიდევ ერთხელ ჩვენება იმისა, რომ სრული იზოლაციის გზით ის თვითგანადგურების პროცესში მიდის იმ პარალელებით, რომელიც კალიგულასთან და მის ცხენთან დაკავშირებით არსებობს".

ინფორმაციისთვის, გადმოცემის თანახმად, პირველ საუკუნეში რომის იმპერატორმა კალიგულამ იმპერიის კონსულად თავისი საყვარელი ცხენი, ინციტატუსი დანიშნა.