ვინ შეესაბამება Wednesday-ს მისტიკურ, შავბნელით მოცულ სამყაროს უფრო მეტად, ვიდრე პოპკულტურის რევოლუციონერი, ლედი გაგა?

ჟურნალი Variety ადასტურებს, რომ მომღერალს Wednesday-ს მეორე სეზონში ნამდვილად ვიხილავთ. ნეტფლიქსი გაგას პერსონაჟზე ინფორმაციას ჯერ-ჯერობით არ ასაჯაროებს, თუმცა წყაროს ინფორმაციით, გაგას ძალიან პატარა როლი ექნება. ნეტფლიქსის მცდელობის მიუხედავად, მსახიობად ქცეული მომღერლის უფრო დიდ როლში დამტკიცება ვერ მოხერხდა.

Wednesday ლედი გაგასთვის მომდევნო კინემატოგრაფიული პროექტია.თავბრუდამხვევ მუსიკალურ კარიერასთან ერთად, მან კინოს ინდუსტრიაშიც დაიმკვიდრა ადგილი — მისი უახლესი როლი ჰარლი ქვინია ფილმში Joker: Folie à Deux, სადაც ხოაკინ ფენიქსთან ერთად მონაწილეობს. ის ოსკარზეც იყო ნომინირებული ფილმისთვის A Star Is Born.

Wednesday მისთვის საკმაოდ სახასიათო როლი იქნება. სერიალის პირველი სეზონის ერთ-ერთ ყველაზე ცნობილ სცენას ფანებმა სწორედ მისი სიმღერა, Bloody Mary შეუხამეს, რომელიც ტიკ-ტოკსა და სხვა სოციალურ ქსელებზე ვირუსულად იტრენდებოდა.