საფრანგეთში, ქალაქ მარსელში, ავტობუსის გაჩერებაზე მანქანის შევარდა და ერთი ადამიანი მოკლა. ინფორმაცია რამდენიმე წუთის წინ BBC-მ გაავრცელა.

შემთხვევა ქალაქის ძველი პორტის უბანში მოხდა. პოლიციამ მანქანის მძღოლი უკვე დააკავა.

გამოცემა ამ ეტაპზე არ წერს მიენიჭა თუ არა შემთხვევას ტერორისტული აქტის კვალიფიკაცია.

რამდენიმე დღის წინ, ბარსელონაში ფეხით მოსიარულეთა ქუჩაზე მიკრო ავტობუსის შევარდნის შედეგად, 15-მდე ადამიანი გარდაიცვალა. დაახლოებით ერთი წლის წინ, 2016 წლის 14 ივლისს კი - ნიცაში, ტერაქტის შედეგად დაიღუპა 86 ადამიანი. ქუჩაში საზეიმოდ გამოსული საზოგადოება ბასტილიის დღეს აღნიშნავდა, როდესაც სატვირთო მანქანა ხალხის ჯგუფში შევარდა და ხალხს ცეცხლი გაუხსნა. მანქანამ ხალხში ორი კილომეტრი გაიარა.

განახლება: France Info-სთან საუბრისას ფრანგმა პროკურორმა, ქსავიერ ტერებიემ განაცხადა, რომ არ არსებობს ნივთმტკიცება, რომლითაც შემთხვევას ტერაქტის სტატუსი მიენიჭოს.