ათი მეზღვაური დაკარგულია, ხოლო ხუთი მძიმედ დაშავდა მას შემდეგ, რაც სინგაპურში აშშ-ის რაკეტგამანადგურებელი გემი USS John S. McCain ტანკერს დაეჯახა, წერს BBC. შეტაკება ადგილობრივი დროით ორშაბათს 05:24 საათზე მოხდა.

სარაკეტო გამანადგურებელი სინგაპურის აღმოსავლეთით მიცურავდა და პორტში გაჩერებას გეგმავდა, როდესაც ლიბერიის დროში ქვეშ მცურავ ტანკერს, Alnic MC-ს დაეჯახა. შეტაკების შედეგად ნავთობი ზღვაში არ დაღვრილა. ამ დრომდე ფართომასშტაბიანი სამძებრო სამუშაოები მიმდინარეობს.

ბოლო ერთი თვის განმავლობაში აშშ-ის სამხედრო-საზღვაო ძალების გემის ეს უკვე მეორე შეტაკებაა.

სარაკეტო გამანადგურებელს სახელი, USS John S. McCain, აშშ-ის სენატორ ჯონ მაკკეინის მამისა და ბაბუის საპატივცემულოდ დაერქვა, რომლებიც შეერთებული შტატების საზღვაო ფლოტში მსახურობდნენ. ის ასევე ცნობილია, როგორც Big Bad John. ის არის ერთ-ერთი იმ შვიდ გემს შორის, რომელიც წყნარ ოკეანეში პატრულირებს. მის ბორტზე 300-ზე მეტი ოფიცერი და მეზღვაური იმყოფებოდა.

სინგაპურში მომხდარ ინციდენტს სენატორი ჯონ მაკკეინი და დონალდ ტრამპი გამოეხმაურნენ.