"ოლაფ შოლცს თავისი პრობლემები აქვს და როგორ მოიცალა საქართველოსთვის არ ვიცი, მას დაეშალა კოალიცია, უახლოეს მომავალში დაინიშნება რიგგარეშე არჩევნები. მე მგონი გერმანიის კანცლერს უფრო მეტად უნდა ეცალოს საკუთარი პრობლემებისთვის და არა საქართველოს თემებთან დაკავშირებით უნდა აკეთებდეს განცხადებებს", — განაცხადა პრემიერ-მინისტრმა, ირაკლი კობახიძემ.

ცნობისათვის, 7 ნოემბერს საქართველოში არსებულ პოლიტიკურ ვითარებაზე ერთობლივი განცხადება საფრანგეთის პრეზიდენტ,ა ემანუელ მაკრონმა, გერმანიის კანცლერმა ოლაფ შოლცმა და პოლონეთის პრემიერმინისტრმა დონალდ ტუსკმა გაავრცელეს.

სამი ქვეყნის ლიდერი ერთობლივ განცხადებაში წერს, რომ ისინი საქართველოს ევროკავშირში გაწევრიანებაზე დიალოგის დაწყებას ვერ დაუჭერენ მხარს, თუკი ქვეყანაში რეფორმები არ ჩატარდება.

"სანამ საქართველო არ შეცვლის მიმდინარე გეზს და არ აჩვენებს ძალისხმევას, ხელშესახები რეფორმების [გატარების] მხრივ, კონკრეტულად, ბოლოს მიღებული კანონმდებლობის უკან გაწვევით, რომელიც ეწინააღმდეგება ევროპულ ღირებულებებსა და პრინციპებს, ჩვენ არ ვიქნებით საქართველოსთან [ევროკავშირში] გაწევრიანების მოლაპარაკებების დაწყების მხარდამჭერები", — აცხადებენ საფრანგეთის, გერმანიისა და პოლონეთის ლიდერები.